mi...michelle

March 31, 2008
方大同未来演唱会2008

终於......终於到3月30日了! 我等左方大同的演唱会等左成年! (话说上次佢开show我买5到飞而饮恨) 我真系十万个期待的! 

今日唔知醒, 训到下午4点而识得起身, 急急脚搞好哂就出门, 去巴士站等车等左15分钟先知呢个时间无呢班车, 之後就搭车去巴士总站, 打电话call vi 帮我上网search....佢俾左个答案我, 就系"D9654N2"号码的灯柱旁边有另一边车去, 好似玩定向一样! 笑死我! 不过都俾我找到喎! 等左20分锺先有车, 去到九龙湾都7点几了, 之後就去别府join埋Benny & Yannie伉俪食日本野, 埋单走人已经八点....

个Show系开八点的! 哈哈~ 我地急步行去位於亚尔盖达一样咁远的车站去Star hall, 我都好担心赶唔切! 不过去到见到原来仲有好多人排队搭车~ 放心~ 排队时见到TVB娱乐台的主播李嘉宜, 相信佢一样系睇Khalil的!

入到会场已经八时三十分了, 好好彩的系.......佢仲未开Show, 等开Show期间, 见到好多歌手同Artist, 包括: 农夫, at 17两位, 袁彩云(我可以讲佢真人好鬼靓, 皮肤劲好), Wyman, 苏永康, 周柏豪, 薜凯琪, 郑融(佢无化妆个样好...)EO2的OTTO(系咪叫otto?好似森美的呢) 因为位置坐同一行同前面果位, 所以我睇到佢地的.....举动

↓ 呢张相影得at 17的Ellen好靓, 佢同紧六永吹水中~

大约八点七开Show了.........

整成show没有华丽的衣服不停换, 可以讲系得两套, 计埋encore果件TEE, 但系, 呢D先至系音乐会, 一个真正的音乐会, 就算Khalil就咁坐响度唱, 我都一样训身去睇呢个show...

成个Show khalil唱左好多歌, 包括由Soul Boy开始的歌, 同埋一D佢锺意的Old Song, 佢唱左一首周华健的歌, 开始前, 大家估乜野歌, 俾我估中....爱相随呀! 哈哈~ 我个年代嘛, 另外, 我好锺意佢唱My Girl同 Something Stupid....其实Khalil今次呢个show, 佢将所有歌重新编过哂, 的确系好正! 佢不只一位唱作人, 佢直头系天オ黎的, 正如Fiona所讲, 佢今次呢只大碟, 佢一手包办....包办的程度系夜晚返Studio录歌, 日头就响屋企自己录埋和音......我好感动同埋好佩服Khalil, 因为佢的确热爱音乐!!!!!!

OK, 一边睇相我一边写~~~~

↓ 首先系Fiona出场做嘉宾, 唱四人游同something stupid, 唱stupid的时候佢地坐沙发唱,好正!!!

↓  Fiona讲Khalil的心情起伏好搞笑, 只有零同零点一, 试过一次零点九!!!

↓左下角佢弹琴中, 个位睇到清....55555

↓ 我左眼见到..........UFO!!!! 打个电话俾云海先~! haha

↓ 呢张相我影唔清, 我想讲的系後面打鼓果位就系方大同的爸爸, 方爸爸了! 好正!!! 以前听佢地两父子上电台做访问and jam 歌! 仲有, 呢队band好劲好Pro好正! 十个GOOD呀!!!!!!

↓  哈! 农夫出场了~ 笑到晕! 初头佢地扮Khalil唱歌, 你睇呢张相都知了, 似到呢.....正如C君所讲, 其实佢地系幕後代唱, 之前果D歌呢......笑晕!

↓  农夫话Khalil D tag好难接~! 哈~ 因为Khalil够真罗!  "点解呀?"

↓  show off时间: 农夫唱歌~ khalil 打鼓

↓  真正开心的Khalil~~~

↓  又系show off时间: 农夫唱歌~ Khalil走左去弹琴
之後齐齐唱......"打咭"歌~ 中英文版

↓  一定要讲的系, Khalil 跳MJ的舞, 全场HIGH爆企哂响度! 扮MJ系Khalil的拿手戏....但可惜对我地黎讲你跳得太少了, 相中系佢之後唱歌, 呢顶帽佢唔掉得俾我地呀, 因为佢话听晚果场, 同埋之後56月去TW定星加坡时都要用, 得一顶, 好珍贵...Lovely Boy~

↓   呢件TEE就系encore时间了, 唱完爱爱爱之後全场不少好有beat地拍掌, 不停叫encore, 我地三个就不停叫"打咭! 打咭! 打咭! " 好快~ 佢又出黎了~ 唱多几首歌, 包括好正的Stand By Me! 当时候, 全场企哂跳lu~

↓   我好想讲的系Artist们好投入, 个show一开始已经不停打beat...其实在场好多人都一样....我自己都拍到手烂.....

   白色帽的Wyman.....好....月巴....俾我想像中更月巴.....

之後就真正完结了, 不过好得意的系走走下就走返转头, 因为佢要同队band一齐走到最前....谢幕....
因为唔够齐, Khalil数123再黎多次!!! 总括来说, 如果十个GOOD为满分, 我会俾方大同50个GOOD, 因为我就系锺意呢类型的演唱会, 唔造作, 想讲乜就讲乜, 佢成个show冇休息过的, 系期间饮....H20!! 包括Fans大叫提佢饮水~ haha! 好可爱的khalil~  只要有套鼓, 琴, 结他, Khalil已经可以唱足两个几钟, 其他花巧野, 根本不必要, 这就是我们想听的音乐!

希望下次再搞演唱会不要等太耐, 同埋请华纳今次记得记得出DVD, 我见到有录影架!!!! 华纳唔好扮野好似上次咁只出CD! 我会坚嬲! 

总之~ 我好热爱音乐, 亦好热爱大同音乐! You are so COOL!!! 
无论以後你响边开show我一样睇, 不要担心无人黎睇, 你只要担心唔够飞卖!!!! 哈哈~ 

完场後去买纪念品, 我买左以下呢两样~ 正!